Personvernfråsegn

1. Kontaktopplysningar

Indre Hordaland KraftNett AS er behandlingsansvarleg for handsaminga av personopplysningane dine på denne nettstaden. Har du spørsmål om dette, eller om dei rettane du har, finn du kontaktinformasjonen vår her:

• Indre Hordaland KraftNett AS
• Postboks 33, 5782 Kinsarvik
• E-post: post@nett.ihk.no
• Telefon: 53 67 16 00

2. Sentrale omgrep

Personopplysningar er informasjon som åleine eller saman med andre opplysningar kan nyttast til å identifisera, lokalisera eller kontakta ein person. Døme på personopplysningar er namn, telefonnummer og IP-adresse.

Handsaming av personopplysningar omfattar alle former for handsaming, som innsamling, analyse, registrering og lagring.

Behandlingsansvarleg er den som bestemmer føremålet med handsaminga av personopplysningar og kva opplysningar det vert bede om. Det er behandlingsansvarleg si oppgåve å sikra at handsaminga skjer i tråd med gjeldande personopplysningslov.

3. Kva slags informasjon samlar me inn?

Når du registrerer deg via eit skjema eller bestiller ei teneste, kan du bli beden om å gje frå deg informasjon. Avhengig av situasjonen kan me be om følgjande personopplysningar:

• Namn
• Adresse
• E-postadresse
• Mobilnummer
• Kva verksemd du jobbar for
• Målarnummer og målepunkt-ID

4. Føremålet med handsaminga

Me kan be om personopplysningar for å:

• Svara på førespurnader
• Utføra kundebehandling og gje informasjon om tenestene våre
• Oppfylla dei pliktene me har som nettselskap, mellom anna måling, avrekning og varsling ved straumstans
• Få statistikk og opplysningar om brukaråtferd, for å forbetra nettsida og brukaropplevinga

5. Kor lenge vert opplysningane lagra?

Me handsamar personopplysningane berre så lenge det tek å oppfylla grunnen til innsamlinga; deretter slettar me informasjonen.

Har du ein aktiv dialog med oss, tek me vare på opplysningane dine i to år frå den siste kontakten. Ein aktiv dialog vert definert som at du har registrert ein brukarprofil, hatt kontakt via telefon eller e-post, eller kjøpt ei teneste av oss dei siste to åra.

Opplysningar me er pålagde å ta vare på etter energilovgjevinga eller bokføringslova, vert lagra så lenge lova krev.

6. Kven kan informasjonen delast med?

Oppgjevne opplysningar er berre tilgjengelege for personar som nyttar dei i tråd med denne personvernfråsegna.

Me sel ikkje personopplysningane dine til tredjepart. Som nettselskap er me pålagde å rapportera måleverdiar og kundeopplysningar til Elhub, den nasjonale datahuben for straummarknaden, og å utveksla naudsynte opplysningar med kraftleverandøren din.

7. Kvar vert opplysningane lagra?

Opplysningane vert oppbevarte av Indre Hordaland KraftNett AS i kundesystemet vårt.

8. Rettane dine

Du har rett til å få informasjon om kva opplysningar me har om deg. Du kan òg krevja at me rettar opp feilaktige opplysningar, eller at me slettar informasjonen din.

Ynskjer du å trekkja tilbake eit samtykke, eller krevja innsyn, retting eller sletting, kontaktar du oss på post@nett.ihk.no. For å motta slik informasjon må du signera eit skjema me sender deg.

Meiner du at me handsamar personopplysningar i strid med regelverket, kan du klaga til Datatilsynet.

9. Andre føremål

Skal me bruka personopplysningane til eit anna føremål enn det dei vart samla inn for, inntrer informasjonsplikta på nytt. Me må då opplysa kva det nye føremålet er.

10. Informasjonskapslar

Informasjonskapslar (cookies) er små tekstfiler som vert lagde på datamaskina di når du lastar ned ei nettside. Lagring av opplysningar og handsaming av desse er ikkje tillate med mindre brukaren både har blitt informert om og har gjeve samtykke til handsaminga. Brukaren skal få vita om og godkjenna kva opplysningar som vert handsama, kva føremålet er, og kven som handsamar dei.

Me brukar berre informasjonskapslar for å gje deg ei betre brukaroppleving på nettsidene våre, mellom anna ved at du slepp å fylla inn felt på nytt.

11. E-post og telefon

Relevante opplysningar som kjem fram i telefonsamtalar og e-postutveksling i kundebehandling og dagleg arbeid, kan bli registrerte i kundesystemet. Me brukar i tillegg e-post i vanleg dialog med interne og eksterne kontaktar.

Den enkelte medarbeidaren er ansvarleg for å sletta meldingar som ikkje lenger er aktuelle. Ved avslutta arbeidsforhold vert e-postkontoane sletta, men enkelte relevante e-postar kan bli overførte til kollegaer.

Sensitive personopplysningar skal ikkje sendast med e-post. Vanleg e-post er ukryptert og skal ikkje brukast til å senda opplysningar med teieplikt, sensitive eller andre fortrulege opplysningar.