Om Indre Hordaland KraftNett
IHK har ansvaret for energiforsyninga innanfor konsesjonsområdet.
Nettet
Høgspent
Høgspentnettet vårt består av 132 kV, 66 kV, 22 kV og noko 11 kV. 22 kV-fordelingsnettet er det største, med om lag 132 km jordkabel og 355 km luftlinjer. 66 kV-nettet består av 5,5 km jordkabel og 26 km luftlinjer.
Lågspent
I forsyningsområdet er det vel 450 fordelingstransformatorar, fordelte mellom mastearrangement og nettstasjonar. I tillegg kjem 240 km kabel og 380 km luftspenn i lågspent fordelingsnett.
Konsesjonsområde
Nettselskapet har konsesjon i alle eigarkommunane og delar av Voss herad (tidlegare Granvin herad). Med nær 7 000 kundar og målepunkt er IHK eit lokalt selskap som er rusta til å møta utfordringane i tida som kjem.
Eigarskap og føremål
Eigarskap
Indre Hordaland KraftNett AS er 100 % eigd av Energiselskapet Hardanger AS. I konsernet inngår òg Hardanger Energi AS, Hardanger Energi Breiband AS og 50 % av Teltech AS. Eidfjord kommune, Ulvik herad og Ullensvang kommune er eigarar av Energiselskapet Hardanger AS.
Omfang
Hardanger Energi AS driv kraftproduksjon og sal av kraft til sluttkunde. Indre Hordaland KraftNett AS har ansvaret for energiforsyninga innanfor konsesjonsområdet.
Føremål
Føremålet til selskapet er å eiga, byggja og driva energiforsyning i heile konsesjonsområdet — overføring, produksjon og omsetning av elektrisk kraft. Selskapet skal vera ei konkurransedyktig og lønsam verksemd med drift etter forretningsmessige prinsipp. Vidare kan selskapet driva eller eiga anna verksemd, eller andre verksemder med naturleg tilknyting til føremålet, og delta i eller samarbeida med andre verksemder som har liknande føremål eller naturleg tilknyting til føremålet.
Selskapet skal arbeida for
Å oppretthalda ei rimeleg og sikker energiforsyning i heile konsesjonsområdet. Å vera ein leiande totalleverandør av energi og energitenester innanfor konsesjonsområdet. Å vera ein serviceinnstilt og miljøbevisst energileverandør.
Eigardelar
Eigarar av Energiselskapet Hardanger AS.
| Kommune | Eigardel |
|---|---|
| Ullensvang kommune | 60,5 % |
| Eidfjord kommune | 24,2 % |
| Ulvik herad | 15,3 % |