Driftsstatus Amy
Ei natt med ekstremt kraftig vind førte til fleire feil i området natt til 4. oktober. Her er feila med siste status.
Status
Kl. 21.30 hadde alle kundane i konsesjonsområdet straum som normalt.
IHK arbeidde fortløpande med isolering av feila og vidare feilretting. Det tok tid å retta alle feila, då det krev ein del personell. Me bad om tolmod og forståing for at det var krevjande forhold å driva feilretting i. Mange vegar var stengde, og umiddelbar tilkomst var i nokre tilfelle krevjande.
Me bad kundane om å bidra til å halda vakttelefonen open for viktig informasjon, og tok gjerne imot konkret informasjon om feil — til dømes observert linjehavari eller trefall på leidningsnettet.
Logg
Hallanger
Linjetråd sliten av ved Hallanger. Ute mellom NS40618 Vallavik og 4043-L Hallanger. Venta på ressursar for skjøting. Kl. 14.00 var skjøtinga starta. FERDIG kl. 20.00.
Granvin kyrkje – Velken
Trefall på linja — venta på trefelling. Kl. 14.30 var treet fjerna og kundane hadde straum att. FERDIG.
Såkvitne – Svelgane
Feil på linje mellom 2003-L Såkvitne og Svelgane. Oppdatert 10.20: berre ute mellom Spildo og Skår. Fasebrot og øydelagd mast, kunne ta tid.
Gartnarskulen – Solheim (Ulvik)
Feil på linje mellom 40915 Gartnarskulen og 4007-S Solheim. Lokalisert tre på linja, venta på ressursar. Ferdig retta og spenningssett kl. 13.00. FERDIG.
Ulgenes – Tjoflot
Feil på linja. Aggregat på kundar. Aggregatet hadde tøff drift, og me oppmoda kundar om å unngå unødvendig forbruk for å unngå utkopling av aggregatet.
Nedre Folkedal – Lussand
Trefall på linje mellom M209 og M210. Kl. 13.30 pågjekk arbeid med feilretting.
Stølheim – Gausvik
Tre funne på linja ved Stølheim. Venta på hogst. Hogst påbegynt ca. 14.30. Store mengder skog og skade på leidninga. Anslått ferdig i 8–9-tida om kvelden. FERDIG kl. 20.00.
Vamheim – Leirholo
Feil på linje mellom 4030-S Vamheim og Leirholo. Skog på linja. Arbeid pågjekk kl. 14.00.
Tveito i Granvin
Feil på linja. Inne kl. 13.15. FERDIG.
Trå – Svartveit
Feil mellom NS30520 Trå og 0227-E Svartveit. Oppdatert 08.50: gjeld mellom Gjerabakkane og Kvalsik. Fleire trefall og graner på linja. Arbeid med rydding. Ferdig, og alle kundar her skulle ha straum kl. 11.30. FERDIG.
Skrivargardsvingen – Bergo
Større granfelt på linja. Kunne ta litt tid. Lagt inn frå Bergo til Aurdal kl. 14.30. Lagt inn frå Aurdal til Espeland 2 kl. 14.45. Alle kundar hadde straum att kl. 15.50. FERDIG.
Trå – Eidesfoss
Feil mellom NS30520 Trå og Eidesfoss. Oppdatert 08.50: gjeld mellom Tveitehagen og Hereiane. Kl. 14.30 var feilen fjerna og alle kundane på strekket hadde straum att. FERDIG.
Sima
Sima utkopla — arbeid med feilretting.
Hakestad – Osa
Hakestad-linja i Osa ute. Oppdatert: inne til Ljono. Trefall på linja. Arbeid med linjerydding kl. 16.00. FERDIG kl. 19.00.
Lågspenning
Diverse lågspenningsfeil.