For installatør
Melding om installasjonsarbeid, saksgang og krav ved tilknyting.
Melding om installasjonsarbeid
Når skal du melda?
Elektroentreprenøren skal senda melding til netteigaren i god tid før eit installasjonsarbeid som medfører arbeid med stikkleidning, endring av kortslutnings- eller overbelastningsvern, eller arbeid i målepunktet og bryting av plombering.
Saksgang
Meldinga blir returnert frå netteigar innan fire veker, med nettinformasjon påført: type stikkleidning, kortslutningsyting, jordslutningsstraum, netttype og spenning.
Ferdigmelding
Elektroentreprenøren sender melding tilbake når anlegget skal knytast til. Ferdigmeldinga må vera hos netteigar seinast sju dagar før tilkopling, og det må opplysast om tilkomst til målepunkt og bygg.
Tilgang til Elwin
Melding om installasjonsarbeid skal sendast elektronisk. For å få leggja inn installasjonsmelding må du først få tilgang av oss. Så snart brukaren er oppretta, får du tilsendt ei lenkje på e-post der du kan logga inn.
Dette treng me for å oppretta brukar
- Firma
- Firmanamn, føretaksnr., bedriftsnr.
- Adresse
- Adresse, postnr. og -stad
- Personar
- Namn på installatør, og namn på saksbehandlar som ønskjer tilgang
- Kontakt
- E-post og telefonnummer
Store tilknytingar (over 1 MW)
Me brukar Tilko — bransjen sin felles portal for større tilknytingar. Der registrerer du kapasitetsbehovet, følgjer saka og får éin samla dialog med nettbransjen gjennom heile prosessen.
1. Start førespurnad
Opprett ei førespurnad med lokasjon og effektbehov — kven, kva, kvar og når.
2. Legg ved naudsynt informasjon
Last opp etterspurd dokumentasjon. Rettleiing ligg i portalen.
3. Følg saka
Sjå status, svar på avklaringar og motta avgjerder i Tilko.
Omgrep du møter
- Kapasitetskø (køsatt)
- Rekkjefølgja saker blir handsama i når kapasitet må reserverast.
- Modenheitsvurdering
- Sjekk av at prosjektet oppfyller krav — realisme i effekt, lokasjon, finansiering og framdrift.
- Utgreiingsavtale
- Avtale om å greia ut nettløysing når dagens nett ikkje har kapasitet.
- Anleggsbidrag
- Din forholdsmessige del av kostnadene ved naudsynt nettforsterking.
- Tilknyting med vilkår
- Mogleg løysing der forbruk kan koplast ut eller avgrensast ved behov.
Frå køsatt til tilknytt
Førespurnad i Tilko
Me vurderer om det finst tilgjengeleg kapasitet.
Køsatt / reservasjon
Når kapasitet må reserverast, blir saka sett i kø etter nøytrale kriterium.
Utgreiing
Ved behov blir ei mogleg ny nettløysing greidd ut.
Plan og framdrift
Partane blir samde om milepålar. Reservasjonen føreset at prosjektet følgjer planen.
Bygging og tilknyting
Nettiltaket blir gjennomført og tilknytinga avtalt. Etterpå blir endeleg anleggsbidrag rekna ut.
Reservasjonen kan falla bort dersom prosjektet ikkje har tilstrekkeleg framdrift. Hald informasjonen i Tilko oppdatert.
Særskilde krav
Elbilladar
Alle ladeanlegg skal meldast inn til oss, sjølv om kunden ikkje endrar storleiken på overbelastningsvernet. Det er for at me skal ha oversikt og avgrensa skeivlast i nettet. Me vil ikkje ha einfase-anlegg over 25 A, så einfaseladarar må justerast ned til maks 25 A.
Plusskunde
Alle anlegg som skal levera energi inn på nettet vårt skal meldast inn. Me tek kontakt med kunden og gjer kunde og installatør kjende med krava til installasjon. Det skal signerast ein avtale før ein får levera energi inn på nettet.